- सभ सं बेसी 30 अफगानी नागरिक केलक पटनाक पताक प्रयोग
पटना, समदिया
राज्य मे अलग-अलग पताक उपयोग कए विदेशी नागरिक द्वारा भारतीय पासपोर्ट प्राप्त कएल गेलाक सूचना सामने एलाक बाद पुलिस मुख्यालय सक्रिय भए गेल अछि। पुलिस मुख्यालयक सूत्रक अनुसार, प्रारंभिक रिपोर्ट मे 31 अफगानी नागरिकक बिहारक पता पर भारतीय पासपोर्ट जारी होयबाक जानकारी भेटल अछि। एहि मे सभ सं बेसी मामिला राजधानी पटना सं जुड़ल बताओल जा रहल अछि।
30 अफगानीक पासपोर्ट पटना, एकटा मामिला दरभंगाक
बिहार पुलिस मुख्यालयक अनुसार, 31 मामिला मे 30 अफगानी नागरिकक पासपोर्ट पटना शहरक अलग-अलग पता पर बनाओल गेलाक सूचना अछि। एकटा मामिला दरभंगा जिला सं जुड़ल बताओल गेल अछि। हालांकि, पासपोर्ट लेल उपयोग मे आनल गेल दस्तावेज आ पता वास्तविक छल अथवा नहि, ई जांचक बादे स्पष्ट भए सकत।
दू बांग्लादेशी नागरिकक मामिला सेहो
गृह मंत्रालय आ विदेश मंत्रालय सं प्राप्त रिपोर्ट मे दू बांग्लादेशी नागरिक द्वारा सेहो बिहारक पताक उपयोग कए भारतीय पासपोर्ट प्राप्त करबाक सूचना अछि। कहल जा रहल अछि ई दुनू बांग्लादेशी नागरिक मुजफ्फरपुरक पताक उपयोग कएलक अछि। जांचक बादे स्पष्ट होयत जे पासपोर्ट कोन-कोन दस्तावेजक आधार पर जारी भेल छल।
जिलाधिकारी आ एसपी सं मांगल गेल रिपोर्ट
बिहार पुलिस मुख्यालयक अनुसार, गृह मंत्रालय आ विदेश मंत्रालयक रिपोर्टक आधार पर ई जानकारी पुलिस मुख्यालय धरि पहुंचल अछि। मामिला सामने एलाक बाद संबंधित जिला सभक अधिकारी कें पूरा प्रकरणक जांच करबाक निर्देश देल गेल अछि। मुख्यालय संबंधित जिलाक जिलाधिकारी आ एसएसपी अथवा एसपी सं जांच रिपोर्ट
