पटना। प्रेमचन्द रंगशालामे आर्ट ऑफ लिविंग द्वारा गुरु पूर्णिमा महोत्सव मनाओल गेल। जाहि मे गायिका दीप्ति थापा के भजन पर पटनावासी के खूब मनोरंजन सेहो भेल छल। एहि अवसर पर सांस्कृतिक कार्यक्रमक आयोजन कयल गेल। एकर उद्घाटन बिहार सरकारक राजस्व आ भूमि सुधार विभाग मंत्री डॉ. दिलीप जायसवाल कयलनि। कार्यक्रमक आरम्भ आर्ट ऑफ लिविंगक पूजा पंडितक दिससँ गुरुपूजासँ भेल। गुरु पूजाक अवधिमे प्रसिद्ध ओडिसी नर्तकी इमली दासगुप्ता गुरु वन्दना आ गणेश वन्दना पर भावपूर्ण नृत्य प्रस्तुत कयलनि। एहि कार्यक्रममे गायिका दीप्ति गुरु ओम गुरु, गुरु नमो नमः, राधे गोविन्द, नमः शिवाय, कृष्ण गोविन्द आदि एक सँ बेसी भजन प्रस्तुत कयलनि।
एहि अवसर पर संस्थाक शीर्ष रमेश कुमार कहलनि जे आर्ट ऑफ लिविंग संगठन के तरफ सँ गुरु पूर्णिमा पर पूरा बिहार मे एक लाख पौधा रोपबाक संकल्प लेल गेल अछि। संगहि बिहार मे सुखी आ स्वस्थ समाज के निर्माण लेल गामक स्तर पर योग आ प्राणायाम तक पहुंचल जायत। आर्ट ऑफ लिविंग श्रावण मासमे रुद्राभिषेक पूजाक आयोजन सेहो पैघ स्तरपर करत। कार्यक्रममे आर्ट ऑफ लिविंग एपेक्सक सदस्य गीतिका सिन्हा, मीरा सिंह, संगीता सिन्हा, आलोक अग्रवाल, बालाजी, नमिता सिंह, कुमार रंजय, धीरज सोनी आ अन्य उपस्थित छलाह।
- Advertisement -
