अधिकारी सभ कें समय पर काज पूरा करबाक निर्देश देलनि
फोटो 205
पटना। पटना जिलाक दानापुर-बिहटा एलिवेटेड रोड परियोजनाक बिहारक मुख्यमंत्री नीतीश कुमार शनि दिन निरीक्षण कएलनि। ओ पटना सं सटल बिहटा सरमेरा पथ पर कन्हौली लग निर्माण स्थलक दौरा कए काजक प्रगतिक जायजा लेलनि। मुख्यमंत्री अधिकारी सभ कें निर्देश देलनि जे परियोजना कें निर्धारित समय सीमा क भीतर उच्च गुणवत्ता सं पूरा कएल जाए।
एहि दौरान बिहारक मुख्य सचिव, पटनाक जिलाधिकारी (डीएम), पटनाक वरीय पुलिस अधीक्षक (एसएसपी) सहित कतेको वरीय अधिकारी उपस्थित छलाह। एलिवेटेड रोड निर्माण क काज संभारि रहल सीगल कंपनीक अधिकारी सभ सेहो मौका पर मौजूद छलाह। ओ सभ मुख्यमंत्री कें निर्माणक वर्तमान स्थिति, प्रगति आ आगूक योजना सभक विस्तृत जानकारी देलनि।
सुरक्षा मानकक सख्ती सं पालन करबाक निर्देश
मुख्यमंत्री नीतीश कुमार अधिकारी सभ सं कहलनि जे ई परियोजना क्षेत्रक लाखो लोक लेल महत्वपूर्ण अछि। ओ बतौलनि जे दानापुर-बिहटा मार्ग पर लगैत भीषण जाम सं लोक सभ कें बहुत परेशानी होइत अछि, जकरा ई एलिवेटेड रोड कम करत। मुख्यमंत्री काजक गति तेज करबाक, गुणवत्ता बनौने राखबाक आ सुरक्षा मानक क सख्ती सं पालन करबाक निर्देश सेहो देलनि।
यातायात व्यवस्था मे सुधार होएत
ई एलिवेटेड रोड परियोजना पूरा भेलाक बाद दानापुर आ बिहटा क बीच आवागमन कें सुगम बनाओत। एहि सं क्षेत्रक समग्र विकास आ यातायात व्यवस्था मे सेहो महत्वपूर्ण सुधार होएबाक उम्मीद अछि।
