ओडिशा मे शनि कए राउरकेला क पास एकटा प्राइवेट विमान दुर्घटनाग्रस्त भ गेल। एहि घटना मे छह लोक घायल भ गेलाह। दुर्घटनाक तुरंत बाद बचाव दल घटनास्थल पर पहुँचल आ घायल सभ कए इलाज लेल अस्पताल लेल गेल।
ओडिशाक वाणिज्य आ परिवहन मंत्री बीबी जेना बतौलनि जे ई एकटा प्राइवेट एयरलाइनक छोट विमान अछि।
जेना पत्रकार सभ कए बतौलनि, ‘‘राउरकेला सं भुवनेश्वर जा रहल नौ सीट वाला एकटा प्राइवेट ए-1 विमान मे छह यात्री सवार छलाह, तखने ओ दुर्घटनाग्रस्त भ गेल। यात्री सभ कए मामूली चोट आयल अछि आ हुनकर हालत स्थिर अछि। ई दुर्घटना राउरकेला सं 10 किलोमीटर दूर जलदा मे भेल।’’
ओ बतौलनि जे राज्य सरकार नागरिक उड्डयन महानिदेशक कए हालात सं अवगत करा देलक अछि।
बीजू पटनायक अंतरराष्ट्रीय हवाई अड्डक निदेशक प्रसन्न प्रधान बतौलनि, ‘‘राउरकेला सं 10 किलोमीटर पहिने उतरैत समय ई दुर्घटनाग्रस्त भ गेल। विमान मे चारि यात्री आ चालक दलक दू सदस्य सवार छलाह। सभ सुरक्षित छथि। ई इंडिया वन एयरलाइंसक विमान अछि। विमानक नंबर सी-208 अछि।’’
प्रधान बतौलनि जे हमर निदेशक जल्दीय दुर्घटनास्थलक दौरा करती।
हवाई अड्डक सूत्र बतौलनि जे ई राउरकेला आ भुवनेश्वरक बीच एकटा निजी ऑपरेटर द्वारा संचालित नियमित उड़ान छल।
