गोईठवा नदी मे डूबला सं 2 किशोरक मृत्यु, परिजन बेसुध

नालंदा : जिला अंतर्गत दीपनगर आ बिहार थाना क्षेत्र मे मंगलदिन दुःखद हादसा घटल जतय गोईठवा नदी मे डूबि गेलाक कारण दू किशोरक मृत्यु भए गेल। दीपनगर थाना क्षेत्रक कल्याणपुर निवासी रामेश्वर पासवानक 13 वर्षीय पुत्र विशाल कुमार चारि संगीक संग नहाए गेल छल, जतय गहिर पानि मे डूबि गेल। ग्रामीण करीब 45 मिनटक प्रयासक बाद हुनक शव निकाललक। दोसर घटना बिहार थाना क्षेत्रक उपरौरा गामक कुंदन कुमार संग घटल, जे शौच लेल गेल छल आ पिछड़ि कए डूबि गेल। एक घंटाक खोजबीन उपरांत हुनक शव निकालल गेल। दुनू घटना सं परिजन बेसुध छथि आ गाम मे मातमी सन्नाटा पसैर गेल अछि। सूचना पाबि पुलिस स्थल पर पहुंचि कए शव पोस्टमार्टम लेल पठाओलक। आवेदन भेटला पर विधिसंगत कार्रवाई होयबाक बात कहल गेल अछि।