हैदराबादमे 16 सं 28 जून धरि आयोजन
रग्बी इंडियाक दिस सं घोषणा कएल गेल अछि जे रग्बी प्रीमियर लीगक दोसर संस्करण हैदराबादक गाचीबोवली स्टेडियममे 16 जून सं 28 जून 2026 धरि आयोजित कएल जायत।
पिछला वर्ष मुंबईमे सफल शुरुआतक बाद ई लीग फेर रग्बी 7s फॉर्मेटमे आयोजित कएल जायत। एकर उद्देश्य भारतमे रग्बीक विकास आ अंतरराष्ट्रीय स्तर पर प्रतिस्पर्धा क्षमता बढ़ायब अछि।
एहि संस्करणमे पहिल संस्करणक छह फ्रेंचाइजी फेर भाग लेत। ई मंच भारतीय आ अंतरराष्ट्रीय खिलाड़ी सभके एकजुट क उच्च स्तरक प्रतिस्पर्धा उपलब्ध करब, संगहि दर्शक सभके रोमांचक अनुभव देत।
हैदराबादके मेजबानीक निर्णय जीएमआर स्पोटर्स क खेलक बुनियादी ढांचा विकसित करबाक दीर्घकालीन योजना सं जुड़ल अछि। हालहि मे जीएमआर स्पोटर्स आ तेलंगाना सरकार बीच समझौता (MoU) भेल अछि, जाहि तहत भारत फ्यूचर सिटीमे सैटेलाइट स्पोर्ट्स सिटी विकसित कएल जायत।
तेलंगाना सरकारक विशेष मुख्य सचिव जयेश रंजन कहलनि जे हैदराबाद वैश्विक खेल केंद्रक रूपमे उभरि रहल अछि आ एहन आयोजन राज्यक पर्यटन, अर्थव्यवस्था आ खेल क्षेत्रके मजबूती देत।
रग्बी इंडियाक अध्यक्ष राहुल बोस कहलनि जे लीगक लक्ष्य लगातार बेहतर बनैत रहब अछि। ओ कहलनि जे आरपीएल 2026 मे दर्शक सभके बेहतर अनुभव, उच्च गुणवत्ता क खेल आ शानदार टीवी-ओटीटी प्रसारण देल जायत।
जीएमआर स्पोटर्स क सीईओ सत्यम त्रिवेदी कहलनि जे हैदराबादक आधुनिक खेल सुविधा, बेहतर कनेक्टिविटी आ उत्साही दर्शक आधार एकरा लेल उपयुक्त स्थान बनाबैत अछि। ओ कहलनि जे ई पहल नव पीढ़ीक खिलाड़ी सभकें प्रेरित करब।
स्पोर्ट्स अथॉरिटी ऑफ तेलंगाना क उपाध्यक्ष ए. सोनिबाला देवी कहलनि जे एहन अंतरराष्ट्रीय प्रतियोगिता नव प्रतिभा सभके अनुभव देत आ राज्यक खेल पारिस्थितिकी तंत्रके मजबूत करत।
उच्च स्तरक प्रतिस्पर्धा, मजबूत लीग संरचना आ नव मेजबान शहर सं सुसज्जित आरपीएल क दोसर संस्करण भारतमे रग्बीक विकासमे महत्वपूर्ण भूमिका निभाबय लेल तैयार अछि।
