आईएसएल 2025-26 मे बेंगलुरु एफसी जीतल
इंडियन सुपर लीग (आईएसएल) 2025-26 मे बेंगलुरु एफसी कप्तान सुनील छेत्री आ नामग्याल भूटियाक गोलक बदौलत एफसी गोवा कें 2-0 सं हरा देलक। ई मुकाबला गोवाक पीजेएन स्टेडियम मे खेलल गेल।
एहि जीत संग बेंगलुरु एफसी 14 अंक संग अंक तालिका मे चारिम स्थान पर पहुंचि गेल अछि। ओ मुंबई सिटी एफसी, मोहुन बागान सुपर जायंट आ जमशेदपुर एफसीक बराबरी पर अछि। जखनकि एफसी गोवा 10 अंक संग सातम स्थान पर खसि गेल अछि। रायन विलियम्स के ‘प्लेयर ऑफ द मैच’ घोषित कएल गेल।
शुरुआती मिनट मे बेंगलुरु कें बढ़त
बेंगलुरु एफसी मैचक शुरुआत बहुत नीक कएलक आ पहिल तीन मिनट क भीतर गोल कए देलक। ब्रायन सांचेज आ आशिक कुरुनियान क बढ़िया मूव क बाद गेंद सुनील छेत्री क पास पहुंचल, जकरा ओ शांत दिमाग सं गोल मे बदलि देलनि आ टीम के 1-0 क बढ़त दिलेलनि।
गोवाक प्रयास, मुदा गोल नहि भेटल
एफसी गोवा सेहो जवाब देबाक कोशिश कएलक। 14म मिनट मे संदीश झिंगनक हेडर थोरहि अंतर सं बाहर निकलि गेल। ओकर बाद ब्रिसन फर्नांडिस दूर सं शॉट मारलनि, जे गोलकीपर गुरप्रीत सिंह संधू बचा लेलनि। 17म मिनट मे पोल मोरेनोक हेडर पोस्ट सं टकरा गेल, जे गोवा लेल सबसं पैघ मौका रहल।
बेंगलुरु काउंटर अटैक मे खतरनाक बनल रहल, मुदा सांचेज आ कुरुनियान अपन मौका कें गोल मे नहि बदलि सकलाह। गोवा सेहो लगातार प्रयास कएलक, मुदा बेंगलुरु क मजबूत डिफेंस कें तोड़ि नहि सकल।
दोसर हाफ मे संघर्ष जारी
दोसर हाफ मे दुनू टीम मौका बनाबयक प्रयास कएलक। कुरुनियान आ सुरेश सिंह वांगजम गोवाक डिफेंस के जांचलनि, मुदा साफ मौका कम भेटल।
86म मिनट मे गोवा बराबरीक करीब पहुंचल, जखनकि मोरेनोक हेडर कें गुरप्रीत सिंह संधू शानदार बचाव कएलनि।
अंतिम समय मे भूटियाक गोल सं जीत पक्का
इंजुरी टाइमक दोसर मिनट मे सब्स्टीट्यूट नामग्याल भूटिया दहिना भाग सं शानदार गोलक क स्कोर 2-0 क देलनि। एहि गोल मे लालरेम्तलुआंगा फनाईक महत्वपूर्ण योगदान रहल। अंतिम समय मे मोहम्मद यासिरक प्रयास सेहो गुरप्रीत संधू आसानी सं बचा लेलनि। एहि तरह अंतिम सीटी बजिते बेंगलुरु एफसी 2-0 सं जीत दर्ज क तीन महत्वपूर्ण अंक हासिल कएलक आ टॉप-4 क दौड़ मे अपन स्थिति मजबूत क देलक।
