नई दिल्ली। दिल्लीक जंतर-मंतर पर शनिदिन सीजेपीक प्रदर्शनक मद्देनजर राजधानी मे सुरक्षा व्यवस्था कड़ा कए देल गेल अछि। दिल्ली मेट्रो, रेलवे स्टेशन, कनॉट प्लेस (सीपी) मे कार्यालय आ रेस्टोरेंट आदि बंद राखबाक निर्णय लेल गेल अछि। एहि पर कॉकरोच जनता पार्टी (सीजेपी)क प्रवक्ता सौरव दास कहलनि जे जंतर-मंतर आबै के कोशिश कए रहल सीजेपी समर्थकसभ के भाजपा शासित राज्यसभ मे हिरासत मे लेल गेल अछि।

सीजेपी प्रवक्ता सौरव दास कहलनि, “देश मे इमरजेंसी थोपि देल गेल अछि। दिल्ली के किलामे बदलि देल गेल अछि। दिल्ली मेट्रोक 57 स्टेशन पर प्रवेश आ निकास बंद कए देल गेल अछि।”

‘तखन सभ किछु चलि जाएत’

सौरव दास आगू कहलनि, “ओहि लोकसभ पूरा दिल्ली बंद करबाक घोषणा कए देने छथि। एहि बेर हमसभ माहौल नहि बनौने रही, बल्कि सरकार अपने माहौल बना देने अछि। सरकार डेराएल अछि। सरकार के लगैत अछि जे जँ ज्ञानू (मुख्य चुनाव आयुक्त ज्ञानेश कुमार) चलि गेलाह तँ सभ किछु चलि जाएत।”

प्रदर्शनक मद्देनजर एहतियातन दिल्ली मेट्रोक 57 स्टेशन के शुक्रदिन राति 9 बजे सं बंद करबाक निर्णय लेल गेल। एकर अतिरिक्त प्रशासन नमो भारत ट्रेनक दू स्टेशन—न्यू अशोक नगर आ सराय काले खां—के सेहो बंद कए देने अछि।

कनॉट प्लेस मे रेस्टोरेंट आ कार्यालय बंद रखबाक सलाह

दिल्ली पुलिस प्रदर्शन के देखैत कनॉट प्लेस (सीपी) मे सभ दुकान के राति 10 बजे तक बंद रखबाक सलाह देने अछि। पुलिस सभ रेस्टोरेंट आ निजी तथा सरकारी कार्यालयसभ के सेहो बंद रखबाक सलाह देने अछि।

रेलवे स्टेशन पर आबय बला ट्रेन रद्द

सरकार शनिदिन भोर 4 बजे सं दुपहर 2 बजे तक नई दिल्ली आ हजरत निजामुद्दीन रेलवे स्टेशन पर आबय बला सभ ट्रेन रद्द कए देने अछि।

ओम्हर, दिल्ली आबै-जाइ बला फरीदाबादक 8 प्रमुख रास्ता पर पुलिस नाकेबंदी कए देलक अछि। एहि मे बदरपुर बॉर्डर, पुल प्रह्लादपुर, शूटिंग रेंज बॉर्डर आ मंगर चौक शामिल अछि।

पुलिस अधिकारीसभक अनुसार, प्रत्येक चेकपोस्ट पर 30 पुलिसकर्मी तैनात रहताह। दिल्ली जाए बला वाहनसभ पर कड़ा नजर रखबाक लेल पुलिसकर्मीसभ भोर 10 बजे सं राति 10 बजे तक 12 घंटाक शिफ्ट मे ड्यूटी करताह।

केजरीवाल परिवारक संग प्रदर्शन मे होयताह शामिल

आम आदमी पार्टीक राष्ट्रीय संयोजक अरविंद केजरीवाल कहलनि जे ओ 10 अक्टूबर के दिल्ली मे होमय बला विरोध प्रदर्शन मे अपन परिवारक संग शामिल होयताह। कॉकरोच जनता पार्टी मतदाता सूची मे विशेष गहन पुनरीक्षण (एसआईआर) प्रक्रियाक विरोध आ मुख्य चुनाव आयुक्त ज्ञानेश कुमारक इस्तीफाक मांग के लए दिल्ली मे प्रदर्शन करबाक घोषणा कएने अछि।