गाले, 18 अगस्त भारतीय टीम गाले इंटरनेशनल स्टेडियम मे जारी पहिल टेस्ट मैच मे जीतक दहलीज पर अछि। मुकाबलाक चारिम दिन जीत लेल 372 रनक लक्ष्यक पीछा करैत श्रीलंकाक टीम दिनक खेल समाप्त होय धरि दोसर पारी मे 4 विकेट गमा कए मात्र 84 रन बना सकल अछि। एतय सं भारत कें जीत लेल 6 विकेटक दरकार अछि, जखनकि श्रीलंकाक टीम जीत सं 288 रन दूर अछि।
टॉस जीति कए बल्लेबाजी करैत भारतीय टीम पहिल पारी मे 462 रन बनौलक। एहि पारी मे देवदत्त पडिक्कल आ केएल राहुलक बीच दोसर विकेट लेल 162 रनक साझेदारी भेल। केएल राहुल 11 बाउंड्रीक संग 82 रन बना कए आउट भेलाह, जखनकि पडिक्कल 16 बाउंड्रीक संग 167 रनक पारी खेललनि। हुनका अतिरिक्त ध्रुव जुरेल 51 रन बना कए आउट भेलाह। मेजबान टीम दिस सं प्रभात जयसूर्या सभ सं बेसी 4 विकेट लेलनि, जखनकि केशरा नुवानथा 3 विकेट लेलनि। असिथा फर्नांडो कें 2 विकेट भेटल।
एकर बाद श्रीलंकाक टीम पहिल पारी मे 284 रन पर सिमटि गेल, जाहि सं टीम इंडिया कें पहिल पारीक आधार पर 178 रनक पैघ बढ़त भेटल। एहि पारी मे सोनल दिनुषा निरोशन डिकवेलाक संग 146 रन जोड़ि टीम कें 284 रन धरि पहुंचेबा मे महत्वपूर्ण भूमिका निभौलनि। सोनल 2 छक्का आ 4 चौकाक संग 100 रन बना कए आउट भेलाह, जखनकि निरोशन डिकवेलाक योगदान 80 रन रहल। भारत दिस सं मानव सुथार सभ सं बेसी 4 विकेट लेलनि, जखनकि रवींद्र जडेजा 3 विकेट झटकलनि। मोहम्मद शमी, प्रसिद्ध कृष्णा आ कुलदीप यादव कें 1-1 विकेट भेटल।
मेहमान टीम कें पहिल पारीक आधार पर 178 रनक बढ़त भेटल छल। एकर बाद भारत दोसर पारी मे 193 रन पर सिमटि गेल आ श्रीलंका कें जीत लेल 372 रनक लक्ष्य भेटल। एहि पारी मे टीम इंडिया दिस सं ऋषभ पंत सभ सं बेसी 66 रन बनौलनि, जखनकि देवदत्त पडिक्कल 44 रनक पारी खेललनि। केएल राहुल 35 रनक योगदान देलनि। श्रीलंका लेल असिथा फर्नांडो 4 विकेट लेलनि। प्रभात जयसूर्या 3 विकेट लेलनि, जखनकि लाहिरू कुमारा 2 विकेट झटकलनि।
एकर जवाब मे श्रीलंकाक टीम चारिम दिनक खेल समाप्त होय धरि 84/4 रन बना सकल। श्रीलंका कें 13 रनक स्कोर पर निशान मदुष्का (6) केर रूप मे पहिल झटका लागल। टीमक स्कोर मे मात्र 1 रन आरो जुड़ल छल कि पसिंदु सूरियाबंडारा (0) सेहो विकेट गमा बैसलाह। टीम 21 रनक स्कोर पर अपन तेसर विकेट सेहो गमा देलक।
एहि ठाम सं कप्तान धनंजय डी सिल्वा मोर्चा सम्हारलनि। ओ लाहिरू उदारा केर संग चारिम विकेट लेल 26 रन जोड़लनि आ तकर बाद सोनल दिनुषा केर संग पांचम विकेट लेल 37 रनक अटूट साझेदारी कएलनि। एखन धनंजय 31 रन आ सोनल दिनुषा 25 रन बना कए नाबाद छथि। एहि पारी मे भारत दिस सं मानव सुथार सभ सं बेसी 2 विकेट लेलनि, जखनकि मोहम्मद सिराज आ प्रसिद्ध कृष्णा कें 1-1 विकेट भेटल।
