पटना : जं अहां मैथिलीभाषी छी, युवा छी आ कविता लेखन मे रुचि रखैत छी, तं अहांक लेल ई एकटा नीक अवसर अछि। मैथिली भाषा, साहित्य आ सांस्कृतिक विरासत कें बढ़ावा देबाक उद्देश्य सं अष्टदल संस्थाक तत्त्वावधान मे ‘शब्दांकुर 2027’ युवा मैथिली कविता प्रतियोगिताक आयोजन कयल जा रहल अछि। एहि पहलक माध्यम सं युवा सभ कें अपन मातृभाषा मैथिली मे मौलिक कविता लिखबाक आ अपन सृजनात्मक प्रतिभा देखेबाक अवसर भेटतनि।
प्रतियोगिताक लेल पांच विषय निर्धारित कयल गेल अछि।
- हमर माटि, हमर पहिचान – अपन माटि, गाम, जड़ि आ सांस्कृतिक पहिचान सं जुड़ाव।
- हमर भाषा, हमर स्वर – मैथिली भाषा, अभिव्यक्ति आ भाषिक अस्मिता।
- प्रकृति आ जीवनक राग – प्रकृति, पर्यावरण आ जीवनक विविध रंग।
- स्मृति, संबंध आ अपनापन – जीवनक स्मृति, पारिवारिक संबंध आ आत्मीयता।
- नव सपना, नव समाज – युवासभक सपना, नव संभावना आ नीक समाजक परिकल्पना।
एहि विषय सभक माध्यम सं युवा रचनाकार अपन भाषा, संस्कृति, प्रकृति, संबंध आ भविष्यक प्रति अपन विचार कें कविताक रूप मे प्रस्तुत क’ सकताह।
प्रतियोगिता मे ओहि रचनाकार सभ कें भाग लेबाक अवसर भेटतनि, जिनकर आयु 31 दिसंबर 2026 धरि अधिकतम 35 वर्ष होयतनि। कविता मैथिली भाषा मे मौलिक आ अप्रकाशित होयबाक चाही। संगहि, कविता मे कम-सं-कम 30 शब्द रहब आवश्यक अछि।
प्रतियोगिताक विजेता सभ लेल पुरस्कार राशि सेहो निर्धारित कयल गेल अछि। पहिल पुरस्कार 11,000 टका, दोसर पुरस्कार 5,000 टका आ तेसर पुरस्कार 2,500 टका राखल गेल अछि। प्रतियोगिता मे भाग लेबाक लेल अपन प्रविष्टि जमा करबाक अंतिम तिथि 31 दिसंबर 2026 निर्धारित अछि।
पंजीकरण आ संपर्क
इच्छुक प्रतिभागी नीचा देल गेल लिंकक माध्यम सं ऑनलाइन पंजीकरण करा सकैत छथि।
- पंजीकरण लिंक: https://forms.gle/HrqgVNivwM3SQbzs6
- मोबाइल: +91 98011 90124
- मोबाइल: +91 9930301199
- ईमेल: ashtadalfoundation@gmail.com
- वेबसाइट: https://ashtadal.org/
सोशल मीडिया पर जुड़ू
- फेसबुक: https://www.facebook.com/AshtadalFoundation
- इंस्टाग्राम: https://www.instagram.com/ashtadalfoundatio/
- यूट्यूब: https://www.youtube.com/@AshtadalFoundation
- एक्स (ट्विटर): https://x.com/ashtadal
अष्टदल संस्थाक ई पहल मैथिलीक नव पीढ़ीक प्रतिभा कें प्रोत्साहित करबाक, युवा रचनाकार सभ कें साहित्यिक अभिव्यक्तिक मंच देबाक आ भाषा-संस्कृतिक समृद्ध विरासत कें आगू बढ़ेबाक सराहनीय प्रयास अछि। एहि प्रतियोगिता सं युवा सभ अपन मातृभाषा मे सृजन करबाक लेल प्रेरित होयताह आ मैथिली साहित्यक नव अंकुर सभ कें विकसित होयबाक अवसर भेटतनि।
