पर्यावरण संरक्षणक संदेश लए बजार मे उतरला स्वच्छता साथी
स्वच्छता साथी सं दुकानदार सभ प्लास्टिकमुक्त बजारक संकल्प लेलनि
मधुबनी, समदिया।
एक बेर उपयोग होमयवाला प्लास्टिक (पॉलीथिन)क उपयोग सं होमयवाला प्रदूषण आ पर्यावरणीय समस्याक प्रति आम लोकके जागरूक करबाक उद्देश्य सं नगर पंचायत घोघरडीहा द्वारा घोघरडीहा बजार सहित अन्य व्यावसायिक क्षेत्र मे जागरूकता अभियान चलाओल गेल।
स्वच्छता पदाधिकारी नौशाद आलमक नेतृत्व मे स्वच्छता साथी सं अभियान चलाकऽ दुकानदार आ आम लोकके एक बेर उपयोग होमयवाला प्लास्टिकक प्रयोग नहि करबाक लेल जागरूक कएल गेल। एहि क्रम मे लोकके पॉलीथिनक उपयोग सं होमयवाला प्रदूषण आ एकर कारण उत्पन्न होमयवाली विभिन्न समस्याक संबंध मे जानकारी देल गेल।
एहि अवसर पर स्वच्छता पदाधिकारी नौशाद आलम कहलनि जे एक बेर उपयोग होमयवाला प्लास्टिकक अत्यधिक प्रयोग पर्यावरण आ स्वच्छताक लेल गंभीर चुनौती अछि। एकर उपयोग कम करबाक लेल आम लोकक जागरूकता आ सहभागिता आवश्यक अछि। लोकके पॉलीथिनक स्थान पर पर्यावरण अनुकूल विकल्पक उपयोग करबाक लेल आगू आबय चाही।
अभियानक दौरान स्वच्छता साथी सं लोक सं अपन दैनिक जीवन मे एक बेर उपयोग होमयवाला प्लास्टिक सं बचबाक तथा स्वच्छता आ पर्यावरण संरक्षण मे सहयोग करबाक अपील कएल गेल। संगहि लोकके ई संदेश देल गेल जे प्लास्टिक प्रदूषण कम करबाक लेल सामूहिक प्रयास आवश्यक अछि।
एहि अवसर पर स्वच्छता साथी ज्योति कुमारी, शकीला खातून, लालदेव राम, रासमोहन झा आदि महत्वपूर्ण भूमिका निभौलनि।
========================================================================
